Zum Oschterhasehüüsli-Feischter uus

Zum Oschterhasehüüsli-Feischter uus
luegt s Oschterhasemannlis Wybli,
und staubet s Oschterhasemannlis Hösli uus
und s Oschterhasemannlis Lybli.

Und hindrem Oschterhasehüüsli-Gartehaag
sitzt s Oschterhasefräulis Mannli.
Es maalet Eili aa, so vil as mag,
bim Bänkli, vor em grüne Tannli.

Und morn, wenns taged deet ums s Hasehuus,
denn holed s d Chräze uf der Winde.
Gwüss hunderttuusig Eier träged s uus, -
Juhu! Mir werdet s dänk scho finde!