So rar wie Gold ischt so es Fäscht

So rar wie Gold ischt so es Fäscht,
wo mir jetz da als Euer Gescht
wänd zämme mit Eu fyre.

Dass Ihr na under eus chönd sy,
zfrieden und fröhli, gsund deby,
das ischt e grossi Gnad.

Drum hämer ä so grossi Freud
und hoffed, dass Ihr däweg - zzweit -
na lang, lang byn is blybed.

De Herrgott wird I nüd verlah
und mit sym Troscht zur Syte stah,
wenn d Burdi schwerer wird.