S isch dusse Gruselwätter

S isch dusse Gruselwätter;
es schneit was abe mag.
Und s Chindli fröget d Mueter
huet scho de ganze Tag:
"Säg Mueter, isch gly Wiehnacht
und chunnt de Chlaus au bald?
Säg Mueter, holt er d Bäumli
efange us em Wald?"

Do polderets uf der Stäge,
und d Stubetür gaht uuf,
und s täscht en Sack i d Stube,
de gaht vo sälber uuf,
es trohled Nusse use,
und Öpfel gross und chly,
und s rüeft en Maa i d Stube:
"Sä Chindli, das ghört di!"