I weiss e herzigs Bäumli

I weiss e herzigs Bäumli,
mit vile Cherzli draa,
wenns denn am Abig tunklet
so zündt s eus d Mueter aa.

I weiss en artigs Chindli,
wie s gwüss kä liebers git,
mer wänds jetz grad go gschaue
drum chömed alli mit. -
s lyt ime härte Chrippli
so arm, so schwach und chly,
doch us den Auge lüüchtet
en Glanz, wie Himmelsschy.

Vill Engeli tüend em singe
und d Hirte bättets aa. -
Und mir sind hüt so glückli,
will mir chönd Wiehnacht haa.