Em Samichlaus sys Hüsli steit

Em Samichlaus sys Hüsli steit
grad zmitts im gruene Tannewald.
Dem Wägli, wo dür ds Moos dert geit,
louf no, de fingsch es sicher bald.

Es het es luschtigs Schingledach
u drunger isch keis Brett meh neu,
u ds Brünnli brichtet wie ne Bach,
im Stall frisst ds Eseli sys Heu.

U meinsch, du chönsch es niene gseh,
lue guet u louf mer nid verby,
frog d Vögel, d Hasen oder ds Reh,
si zeige dir das Hüsli gly.

Es isch halt töif im Wald versteckt.
Der Samichlaus isch vüra do,
u d Tierli hei vo ihm no gäng
im Winter Fueter übercho.