Das isch der Beckersmaa

Abzählreim

(Daumen) Das isch der Beckersmaa mit sym dicke Büüchli da.
Das sy syni vier Gselle, vo dene will nech jitz verzelle:

(Zeigefinger) Dä sött ds Brot fyn chnuschrig bache u tuet nume gügele u lache.
(Mittelfinger) Dä sött d Weggli ga verträge u trohlet um uf jeder Stäge.
(Ringfinger) Dä macht d Guetzli immer z chly u tuet i Teig zviel Zucker dry.
(Kleiner finger) Dä sött d turte schön garniere u tuet dergy ds ganz Gsicht verschmiere!

Jitz chunnt der Beckersmaa: "Was isch das für ne Ornig da?"
Är schimpft e chly mit jedem Gsell u jagt se furt grad uf der Stell.