Chinder Musig Wält Logosection-reime-verse

Am Vizestollebergli

Am Vizestollebergli,
da wohned sibe Zwergli.
Si boued a de Raine
es Stedtli under de Steine,
und z Abig denn, wenns dunklet,
am Himmel d Sternli funkled
und d Chinde gönd is Bettli,
so chrüücheds us em Stedtli
und schlüüfed lys, wie d Müüsli,
dur d Chämi ab i d Hüüsli
und singed uf de Winde:
"Guet Nacht, guet Nacht, ihr Chinde!"