S Schneeglöggli stat i Schnee und Is

S Schneeglöggli stat i Schnee und Is,
es Blüemli fascht wie Schnee so wiss;
es säit: "De Früelig chunnt jetzt bald;
drum lüt i fröli dur de Wald."

Wos s Bächli ghört, da rüeft s:
"Juhe! Jet isch es us mit Is und Schnee;
jetzt weck i d Gäisseblüemli gschwind
und luege, wo d Viöndli sind!"

Au d Vögeli händ s Lüte ghört
und gschwind es Früelingslied glert;
und fröli tönts dur Fäld und Wald:
"Juhe, de Früelig chunnt jetzt bald!"