Oschterhäsli - Hinterm Huus

Hinterm Huus, vor em Huus
machemer Ringeltänzli.
's Oschterhäsli luegt eus zue,
wädlet mit em Schwänzli.

Hinterm Huus, vor em Huus
sueched mer Moss und Steinli.
's Oschterhäsli gumpt devo,
schlänkred siini Beinli.

Hinterm Huus, vor em Huus
boued mer chliini Näschtli.
's Oschterhäsli springt gschwind hei,
holt siis Eierchäschtli.

Hinterm Huus, vor em Huus
tüemer luschtig singe.
's Oschterhäsli tuet eus hüt
gfärbti Eili bringe.