Näi, lueged au da ine

Näi, lueged au da ine im Weier d Fröschli a.
Ringsum häts Chrottepösche,
wer wetts au schöner ha,
wer wetts au schöner ha.

Es gfallt em guet, im Wasser,
bald schümmts und bald sitzts still.
Doch jetz gänd ali achtig,
wil s Fröschli singe will.

Wer chunnt det us der Wise?
Potz tusig, s isch de Storch!
Mit sine lange Bäine
gat er uf Fröschli los.

Jetz, Fröschli, nimm di zäme,
suscht gats der bös, o we!
Er packt di mit em Schnabel;
wart nu, du wirsch es gse.