Guri-guri-ga

Guri-guri-ga, de Güggel ischt scho da!
Und hinedri e ganzi Schar
vo siner chline Hüendliwar,
si schared und sie bicked,
händ s Chöpfli uf und nicked.
Si gagered ums Hüenerhus
und lueged ali Eggli us.

Gag-ge-rag-ga-ga, si wettet gueti Cherndli ha,
s macht de Hüenli chugelrund und fäiss,
das ischt für si en Hürepäiss,
si frässed ires Täili und legged flissig Äili,
und nu de Güggel, gross und fäiss,
de wott halt nöd und läit e käis.