Es wott es Fraueli z’Märit go

Es wott es Froueli z’Märit ga, z’Märit ga
Wott dr Ma deheime la
Tra la la la la, tra la la la la
Wott dr Ma deheime la, tra la la la la la la.

Hans du muesch deheime blybe, heime blybe
Muesch de Hüehner d’Eier gryffe (d’Zyt verdrybe)
Tra la la la la …

m Ofe si sächs grossi Chüeche, grossi Chüeche
Muesch mir ou zu dene luege.
Tra la la la la

Am Abe, wo isch sächsi gsi, sächsi gsi
Si die Chüeche gässe gsi.
Tra la la la la …

Und wo das Fraueli hei isch cho, hei isch cho
Ma wo hesch mir d’Chüeche wo?
Tra la la la la …

Und hei die Hüehner alli gleit, alli gleit?
Dr Güggel het sys Ei verleit.
Tra la la la la …

Da nimmt sie dr Hans bim Bärtli, Bärtli
Und rüert ne use ids Gärtli.
Tra la la la la …

Dr Hans, dä springt zum Nachbarhuus, Nachbarhuus
Dr Chasper luegt zum Fenschter us.
Tra la la la la …

I sett dir öppis säge, säge
My Frou, die het mi gschlage.
Tra la la la la …

O wärsch du ou scho geschter cho, geschter cho
Lueg myni macht mer’s ou eso.
Tra la la la la …

Weitere Strophen:

Chasper, mir müesse zäme ha, zämä ha
D’Frou wott mer de Gring verschla.
Tra la la la la …

Hans du muesch di nid beklage, nid beklage
Myni het mir ne scho verschlage.
Tra la la la la …

Die Froue si es Lumpepack, Lumpepack
Si us Stroh und Huudle gmacht.
Tra la la la la …

Mir Manne si ganz andri Lüt, andri Lüt
Suufe viil und schaffed nüt
Tra la la la la …