Drei häiligi König

Drei häiligi König mit guldigem Stern, a-le-lu-ja, a-le-lu-ja.
Im Chrippli s chli Jesuschchind gsächet si gern, a-le-lu-ja, a-le-lu-ja.
Si laufed, was chöned, as königlich Hus, Herodes, de lueget zum Königsgmach us.

Herodes: (gesprochen)
Ir Here, Gott grüezi, wo wänd ir au hi?
Ich gibe-n-eu gern na es Glesli Wi;
ich gib-n-eu Heu für zum Schlaf-n-und Stro.
Wänd ir vilicht hüt na is Schloss zue mer cho?

Drei König: (gesprochen)
Ach, näi doch, Herodes, mer müend witer ga.
Du gsescht, euse Stern, de blibt ja na nöd sta.
Im Hüttli, im stile, so arm und so chli,
im Hüttli mues euse neu König wol si.

Chor:
Und wo si im Stall dänn zum chrippli sind cho,
lit s Jesus-Chind gwicklet uf Heu und Stro.
Maria und Joseph sind bäidi na da
und lueged das Büebli vol Freud zäme-n-a.

Vom Fäld sind die Hirte, vo wit, wit her cho.
Si stönd um das Chrippli, sind still und sind fro.
Und d Ängeli singed so fin und so lis.
Si singed vor Freude wie-n-im Paradies.