De Winter ischt en wisse Ma

De Winter ischt en wisse Ma,
hät wissi Strümpf und Hose-n-a,
er hät en grosse wisse Bart
und lachet, wäme Schlitte fart.

Er chan-au bös und hässig si
und spert ein dänn i d Stube-n-i;
dä luegt me halt zum Fäischter us,
wies stürmt und Flocke tribt ums Hus.

Und wartet fröli bis am Tag,
wo d Sune wider schine mag;
dänn häts am Häldli frische Schnee
und Schlittwäg ggä. Juhe, juhe!