Bruni, schwarzi, wissi Rössli

Bruni, schwarzi, wissi Rössli
gumped uf der Wäid.
Fuchs und Choli und au Schimel
hät me dene gsäit.

Bruni, schwarzi, wissi Rössli
stampfed uf der Gass.
Und, wänns rägnet, werdet d Rössli
und de Wage nass.

Bruni, schwarzi, wissi Rössli
stämpfeled so flott.
Jedes träit ganz stolz sin Riter,
wo-n-er ane wott.

Bruni, schwarzi, wissi Rössli
räned oni Rue;
dänn im Stall gits Heu und Haber.
Mached d Türe zue!