Am Waldrand stat es Hüsli

Am Waldrand stat es Hüsli,
de Schnee lit uf em Tach;
es Liechtli brännt am Fäischter,
sind ächt die Chind na wach;
es Liechtli brännt am Fäischter,
sind ächt die Chind na wach?

Wer chunnt det us de Tane
im Mantel, wit und warm
gross Häntsche-n-a de Füschte,
e Fitze n undrem Arm;
gross Häntsche-n-a de Füschte,
e Fitze n undrem Arm?

Ou, lueged die Kabutze,
de Sack, am Rugge ghänkt!
Es isch de Chlaus, ir Chinde,
i has doch ämel tänkt;
es isch de Chlaus, ir Chinde,
i has doch ämel tänkt.

Jetz wänn doch nu e Jedes
en ordlis Versli wäiss!
Gäll, Hans, du häscht nöd gfolget,
dir werded d Bagge häiss;
gäll, Hans, du häscht nöd gfolget,
dir werded d Bagge häiss.